بلدي طنطا وانا نفسي انجح اونطا

هوا دا شعار مجموعه من شبابنا اللي زي الورد من طنطا وكمان من جامعه الازهر منارة العلم اللي انا فيها (احم احم) انا خير دليل ادامكم المهم علشان ماطولش عليكو وبالبلدي كدا انا كنت ماشي انا والاخ عمار فتحي (ياحبيبتي يامصر ) وداخلين الامتحان وكنا مذاكرين كويس جدا ماهو احنا علي فكره طلبه مجتهدين جدا يمكن بنتعب اكتر من بتوع طنطا وبعدين لقينا الناس دول وعلي فكره انا حاسس انكو هاتفهموهم غلط !!!!!!!

زي مانتو شايفين الطالب خلص كل الكشاكيل اللي بيذاكر فيها وبالتالي بيكمل مذاكره علي ايده والوقتي هايطلع يكمل علي البنش ويكمل علي الحيطه اللي جنبه الطالب بيراجع من المذكرات اللي عملها لنفسه وزمايله كمان بيراجعو معاه وهوا دا الجو العلمي المظبوووط !!!!! واخدين بالكو من الكلمتين علي صباعه دول هاتسألوني دول هنا لي ؟؟؟ دا الملغي لكن هوا اصر انه يذاكره اما هنا بقي الطالب ايده خلصت يعمل اي ؟؟؟!!! يكتب علي ايد المراقب مثلا ولا يكتب فين عمار ربنا يكرمه اعطالو الورقه دي كان جايبها علشان يذاكر فيها لكن نام في الطريق !!!!!! ... المهم وعلشان يبقي الموضوع مطبوخ تماااام وميه ميه وانا مدونه احلامنا لازم يكون في علاقه بين احلامنا وبين الموضوع اللي انا منزله ..!!! انا الحقيقه مالقيتش احلام اسمي من كدا من طالب كل حلمه المراقب ميشوفوش ايده علشان ينقل اللي عليها في الورقه وساعه ماينقله يسـاذن ويروح يغسل ايده علشان ميتمسكش !!! انا مش بناقش قضيه الغش لكن انا عاوز اقول شوفو احنا وصلنا لفيين !!!! كاميرا موبيلي 7610 جديد بالكرتونه وبالضمان ومعاه الفاتوره 930 جنيه ومعاه سماعه بلوتوث ب300 جنيه يبقي كلو بعد الخصم 1800 ... فكره عمار فتحي